നമ്മുടെ എല്ലാ വീടുകളിലും ഇഷ്ടംപോലെ ഉണ്ടാകുന്ന ഒന്നാണ് പപ്പായ. നമ്മൾ പലപ്പോഴും ചർമസംരക്ഷണത്തിനും മറ്റും ഏറ്റവും കൂടുതൽ ഉപയോഗിക്കാറുള്ള ഒരു ഫലം കൂടിയാണിത്. പപ്പായ എന്ന ഫലം മാത്രമല്ല ഇതിൻറെ ഇലയും, പൂവും, കായും എല്ലാം ഏറെ ഔഷധഗുണങ്ങൾ അടങ്ങിയിട്ടുള്ളതാണ്. നമ്മുടെ വീടുകളിൽ യാതൊരു പരിചരണവും ലഭിക്കാതെ തന്നെ വളരുന്ന ഒന്നാണിത്.
അതുകൊണ്ട് മിക്ക ആളുകളുടെ വീട്ടിലും ഇത് ഉണ്ടാകും. പപ്പായയുടെ തളിരിലയുടെ നീര് കുടിക്കുന്നത് രക്തത്തിൽ ആവശ്യമുള്ള ഘടകങ്ങളുടെ അളവിനെ നിയന്ത്രിക്കാൻ ഏറെ നല്ലതാണ്. മിക്ക സൗന്ദര്യവർധക വസ്തുക്കളിലും പപ്പായയുടെ നീര് ചേർക്കാറുണ്ട്. ചർമം തിളക്കമുള്ളതാക്കാൻ പഴുത്ത പപ്പായ അരച്ച് മുഖത്ത് തേക്കുന്നത് ഏറെ നല്ലതാണ്. കുട്ടികളിലെയും, മുതിർന്നവരിലെയും വിര ശല്യം ഒഴിവാക്കാൻ പപ്പായയുടെ കുരു ഉണക്കിപ്പൊടിച്ച് തേനും ചേർത്ത് കഴിക്കുന്നത് നല്ലതാണ്. പച്ചപപ്പായ ആണ് ഏറ്റവും ഗുണപ്രദം.
ഇതിൽ ധാരാളം പ്രോട്ടീൻ അടങ്ങിയിട്ടുണ്ട്. ഇതു മാത്രമല്ല നമ്മുടെ രോഗപ്രതിരോധശേഷി കൂട്ടുന്നതിനും പപ്പായ സഹായിക്കും. എല്ലാ ആളുകളും ഈ ഗുണങ്ങൾ മനസ്സിലാക്കിയിരിക്കാനും ഫലപ്രദമാക്കാനും ശ്രദ്ധിക്കുക.
